~ ألـــوآن رمادية ~

مجلة رائعه ومتعوب عليها صراحة و إعجابي فيها يزييد كل ,, شهرين

::

هي مجلة ثقافيه علميه تصدر كل شهرين عن شركة أرامكو

وتوزع فقط على منسوبيها  “سابقا”

وكنا “نطرهااا منهم طر ” “نشحذها ” مو حباً فيها ولا في موضوعاتها الغثيثه ><

بس لأنها خيييير معيين لنا في البحوثات والنشاطات المدرسيه

اما نقراها ,,,,,,, مستحيل :/

:

هذا كــــــــــــــــان سابقاً

اما الان فالمجله تطورت وصارت شبابيه وفله خخخ

وأهم شي

تصميـــــــــم وإخراج المجله ,, الخطيـــــــر

:

نأخذكم الان في جوله لأهم المناطق السياحيه فيها وأهم شي المناطق المفضلة لدى رماديه

أول شي أحب اقرا قافلة القراء << رسايل الناس وردودهم عليهم ,, من باب “اللقافه”

بعدين قافلة النشر ,, الجديد من الكتب  متابعه من بعييد لبعيد تعجبني اشكالهم اكثر من قرايتهم أحيانا 

:

المجله تحتوي على ستة أقسام رئيسيه

أول قسم : قضايا ,,, مرات المواضيع المطروحه تعجبني لكن غالبا ,,  :/

بعدين طاقة وأقتصاد ,,, رمايه تسحب عليه بقوووه ,, نفط, زيت ,ارامكو, اوبك ,,,,مو من اهتمامتي :/

بعدها بيئة وعلوم : هذا القسم حلوو واطلع  بشي مفيد اذا قريته  وأكثر زاوية تعجبني فيه قصة إبتكار وقصة مبتكر

أجل تدروون ان هذي الصوره

تعتبر أبتكار !!!!

بعده أحلــــــــــــى فــــــــــــاصل

الفاصل المصور

وهو من  تصوير مصورين سعوديين  ,,,, واحلى شي اني اقدر اقطع الصور بكل سهوله من المجله

<<<<<< ياحبها للتقصص ><

بعدها الحياة اليوميه : ايضا هذا القسم حلو ومواضيعه تناسبني ولاااااااااازم أقرا زواية كميل حوا ,, حياتنا اليوم

نجي الان لأهم قسم ,,  اللي اذا قريت فيه احس اني متنبية زماني خخخخخ

الثقافه والادب

طبعا فيه مواضيع اسحب عليها

<<<<  ثلاث ارباع المجله ساحبه عليها  الاخت @_@

لكن زاوية ديوان الامس ديوان اليوم المفضلة عندي

عليهم شعــــــر ! ,,,,,,, رآآآآآئع ويجي على مزآجي  ,, الرايق طبعاً ^^

أضف إلى ذلك روعة الخط وجمال التصميم

ومسك الختـــــــــــــــــــــام

مع مـــــــــــــــــــلف العدد

ويتكلم هذا العدد عن موضوع واحد ويكون الورق عادي مو مثل باقي المجله

وفيه صور ومعلومات كثيره عن الموضوع نفسه

امثله من المجلات اللي عندي

المحرك - المهرج - المصباح - 659هـ  1261م - الكمان -الفزاعة - النخيل - الحلاق

وأهــــــــــــــــــم ملف ,, اللي عشانه كتبت البوست

” الأحمــــــر”

{{{{{{{ ليتهم كاتبين عن الرمادي كان صار يشد أكثر

لتحميل الملف بصيغة PDF أضغط على الصوره

هذا العدد “الاحمر ” لم يصلني بعد

لكن رماديه ماتستحمل تشوف العدد قبل مايوصلها ><

أدخلووا على موقع ارامكو

أرامكو السعودية :: القافلة

عربي —> القافله ,,  وتظهر لكم جميع الاعداد

والآن

أحلى خبر

المجلة سابقاً لاتوزع الا على منسوبي ارامكو

اما الان فيمكن للجميع الاشتراك بها مجـــــــاناً وتصلكم أينما كنتم

داخل و خارج السعوديه

كل ماعليكم فعله هو إرسال بياناتكم على العنوان التالي

alqafilah@aramco.com.sa

ويااويل اللي مايشترك :/

:

:

وعلى طاري ارامكو

هذا رماديه مع اخاها في مكتبة جرير يتصفحون بعض الكتب

الا ويشدني كتاب اسمه ارامكويون

واخذته بتصفحه ,, الايشوفه اخي الحبيب وياخذه من يدي !!!!

انا عصبت :/

ويجلس يتصفحه ,, رحت انا  اخذته من يده <<< ياقويه

وتصفحته بعدين رجعته ,, ويروح ياخذه مره ثانيه ويتصفح فيه ,,

-رماديه يصلح لك الكتاب اخذيه<< شاف فيه صووور كثيره

-وانا لا ماابيه

-واهوووووو الا اااااااخذه ,,, لاحول ولاقوة الا بالله

أخذنا الكتاب

في نفس اللحظه حتى مافي فاصل زمني

يقوووولي مايصلح لك ليه ماخذته !!!!!

انا عصبببببببت حدي  ,,,,, ياربي !!

هذا اخوي اخوي والا يجيه انفصام شخصيه

عاد انا حساااااد وعنااااااد أخذته

الكتاب حلوو ,,

يتكلم عن الدفعه الاولى من الطلاب السعودين المتخرجين من الصين وكوريا

وكيفية حياة موظفين ارامكو بالخارج

انا وش دخلني لاني موظفة ارامكو ولامبتعثه ><

بس حلووه المواقف اللي حدثت لهم

وفي جزء في الكتاب يتكلم عن العاملين في ايطاليا

وتطرق فيه الكاتب للحلى الايطالي ترااميسووا وقصته

تبون القصه اشتروا الكتاب ,, تعبت وانا اكتب ><

ويقوول لكم  معناه  ,,,

:

:

:

أجعلني سعيداً

عاد انا سعيده بدوون شي

بس اذا  أحد بيجيب لي تراميسوا ماقوول لا ترا

زيادة الخير خيرين